|
9 жнiўня |
 |
9 жніўня ў 1850 годзе нарадзіўся Рудольф Абіхт, нямецкі філёляг, які вывучаў і папулярызаваў у Нямеччыне беларускую літаратуру. У 1917 годзе прафэсар Абіхт выкладаў беларускую мову ў Сьвіслацкай настаўніцкай сэмінарыі, вывучаў старажытныя помнікі беларускай літаратуры, перакладаў на нямецкую творы Купалы і Коласа, друкаваў артыкулы ў віленскай газэце “Гоман“.
А яшчэ ў гэты дзень у 1946 годзе нарадзіўся Рынус Гэрытсан, бас-гітарыст галяндзкага гард-рокавага гурта «Golden Earring». Гэта быў адзін з самых раньніх культавых гуртоў, якія гралі яшчэ на самаробнай апаратуры. Назва гурта паходзіць ад песьні “Залатыя завушніцы“, якую музыкі пазычылі з рэпэртуару незабыўнае Пэгі Лі. Слава прыйшла хутка, хоць на двары -- як падумаеш -- быў усяго толькі 1961 год. Зрэшты, творчага запалу «Golden Earring» хапіла на доўга. Іхны апошні ў часе альбом выйшаў тры гады таму.
|
|
|
|
