ВЫБАРАМІ Ў БЕЛАРУСКІМ ВОЙСКУ КІРУЕ ЎСХОПЧЫК
Рабочая група па арганізацыйна-тэхнічным і інфармацыйным забесьпячэньні правядзеньня выбараў у мясцовыя Саветы краіны створаная ў Міністэрстве абароны Беларусі. Як паведамілі агенцтву "Медиафакт” ў кіраваньні маральна-псыхалягічнага забесьпячэньня Мінабароны, група, якую ачоліў намесьнік кіраўніка абароннага ведамства генэрал-лейтынант Уладзімер Усхопчык, павінна наладзіць узаемаадносіны з Цэнтральнай камісіяй Беларусі па выбарах і правядзеньні рэспубліканскіх рэферэндумаў, а таксама мясцовымі органамі ўлады.
Апрача таго, паводле суразмоўцаў агенцтва, супрацоўнікі Мінабароны акажуць неабходную дапамогу кіраўніцтву вайсковых частак і арганізацыяў Узброеных Сілаў у падрыхтоўцы і правядзеньні выбараў.
Нагадаем, што да прызначэньня намесьнікам міністра абароны Беларусі, генэрал Усхопчык быў камандзірам 107-ай мотастралковай дывізіі й начальнікам Віленскай залогі. У Літве яго называюць "катам Вільні 13 студзеня 1991 году”. Гэты генэрал кіраваў Віленскай залогай у студзені 1991 году падчас вядомых падзеяў, калі ля тэлецэнтру загінулі людзі. І зараз літоўская генэральная пракуратура дабіваецца ад беларускага боку выдачы Ўсхопчыка.

11 сьнежня 2002  /  9:12:00 AM
Крынiца: Паводле “Хартыі`97“

На радзіме Францішка Багушэвіча з`явіўся крыж ў гонар паэта. ...     2 красавiка 2003  /  9:29:00 AM

Грамадзяне Літвы і Польшчы будуць мець магчымасьць вольнага ...     12 сакавiка 2003  /  3:28:00 PM

Распачынаецца ажыцьцяўленьне праекта “Роварнае кола Нёмана“,...     11 лютага 2003  /  7:49:00 AM

АБАРОНІМ ПУШЧУ -- НЕАЦЭННЫ СКАРБ БЕЛАРУСКАГА НАРОДУ...     22 студзеня 2003  /  2:26:00 AM

“АБ РАСЬЛІННЫМ СЬВЕЦЕ“...     6 сьнежня 2002  /  8:40:00 AM