АБАРОНІМ ПУШЧУ -- НЕАЦЭННЫ СКАРБ БЕЛАРУСКАГА НАРОДУ
Заява Ўправы Партыі БНФ
Белавеская Пушча -- усясьветна вядомы сымбаль Беларусі, помнік прыроды ўсясьветнага значэньня -- апынулася ў сьмяротнай небясьпецы.
Яе зьнішчаюць прыхадні й дачасьнікі -- наваяўленыя "гаспадарнікі", якім вышэйшая ўлада дазволіла разглядаць Пушчу як сыравіну на продаж. Яшчэ крыху панаваньня гэтых сатрапаў -- і Пушчы, нашага тысячагадовага нацыянальнага гонару, папросту ня будзе.
Партыя БНФ выказвае салідарнасьць з мужнымі навукоўцамі й журналістамі, якія абвясьцілі ўсяму сьвету пра пушчанскую бяду. Наступным крокам павінна стаць кансалідацыя ўсіх адказных навукоўцаў, грамадзкіх, палітычных сілаў, проста сумленных людзей у справе абароны Пушчы. Мы павінны разам тэрмінова выпрацаваць стратэгію гэтай абароны з выкарыстаньнем інфармацыйных, навуковых і палітычных рэсурсаў, якія ёсьць у нашым распараджэньні. Прапануем неадкладна правесьці ўстаноўчы сход Нацыянальнага камітэту абароны Пушчы.
Партыя БНФ гатовая ўжыць свае міжнародныя кантакты, каб паставіць пытаньне аб далейшай правамоцнасьці Дыплёму Рады Эўропы № 48, якім Пушча была ўганараваная ў 1997 годзе.
Абаронім Пушчу -- абаронім Беларусь!

22 студзеня 2003  /  2:26:00 AM

На радзіме Францішка Багушэвіча з`явіўся крыж ў гонар паэта. ...     2 красавiка 2003  /  9:29:00 AM

Грамадзяне Літвы і Польшчы будуць мець магчымасьць вольнага ...     12 сакавiка 2003  /  3:28:00 PM

Распачынаецца ажыцьцяўленьне праекта “Роварнае кола Нёмана“,...     11 лютага 2003  /  7:49:00 AM

ВЫБАРАМІ Ў БЕЛАРУСКІМ ВОЙСКУ КІРУЕ ЎСХОПЧЫК...     11 сьнежня 2002  /  9:12:00 AM

“АБ РАСЬЛІННЫМ СЬВЕЦЕ“...     6 сьнежня 2002  /  8:40:00 AM