Аляксандр Лукашэнка вярнуўся з Масквы задаволены: цана на газ у 2009 годзе будзе для Беларусі “прымальнай”. Аднак над краінай навісла іншая пагроза, яшчэ больш сур’ёзная.

Штомесяц Аляксандр Лукашэнка падпісвае два ўказы аб памілаванні. Пра гэта распавёў сам кіраўнік дзяржавы падчас сустрэчы з прадстаўнікамі вядучых дзяржаўных сродкаў масавай інфармацыі.

Клопат пра ўратаванне і памнажэнне дабрабыту беларусаў ляжа на плечы… саміх беларусаў.

Цяперашні прынцып падаткаабкладання індывідуальных прадпрымальнікаў захоўваецца.

Беларусы — дзіўны народ. Мы не задаволены “генеральнай лініяй партыі”, маразматызмам уласнага начальніка, выкрунтасамі ЖЭСа, грубасцю ў крамах. Незадаволеныя, але звыклыя маўчаць, уцягнуўшы галаву ў плечы. Аднак так робяць не ўсе. “Тут і цяпер” паспрабавала прыгадаць найбольш гучныя перамогі грамадскасці над уладнымі структурамі ў адыходзячым 2008-м годзе. Агаворымся, мы разглядалі выключна непалітычныя справы, абмінуўшы і “прадпрымальніцкае пытанне”, пра якое падрабязна распавядалі ў мінулым нумары.

Пакуль беларускія ўлады гавораць аб лібералізацыі і намагаюцца выканаць умовы Захаду, сапраўдны прарыў у Стары Свет здзейсніў правінцыйны футбольны клуб БАТЭ.

Алесь Пушкін, мастак:
“ЧАКАЮ АДНАЎЛЕННЯ БЕЛАРУСІЗАЦЫІ”

– Дзякуй Богу, канчаецца высакосны год. Ён сапраўды быў вельмі складаным. А больш за ўсё чакаю я аднаго – пабудаваць дом. Каб пачаць пашырацца, купіць зруб, прыбудаваць да яго. Бо з’явілася двое дзетак.
Чакаю яшчэ выставаў. У Оршы, Швецыі. Ну і чакаю яшчэ працы па ўслаўленні Госпада нашага. Можа, вітражы зраблю ў вёсцы Манастыр. Спадзяюся, дасць лёс здзейсніць волю Божую грэшнымі рукамі. Ну і яшчэ чакаю, што, можа, запросяць у Амерыку з выставай. Гэта ў асабістым жыцці. А ў грамадзкім чакаю аднаўлення беларусізацыі, адлігі, якая пачалася 10 снежня, калі я схадзіў на містэрыю, прысвечаную Максіму Багдановічу на сцэне сталічнай філармоніі. У дзяржаве нешта памянялася, бо абсалютна не было цэнзуры.

У выпадку захавання з 1 студзеня 2009 года новых умоў гаспадарання для індывідуальных прадпрымальнікаў прайграюць усе без выключэння зацікаўленыя бакі.

Вінцук Вячока, БНФ:
“ДЫЯЛОГ БЕЗ НАРОДА”
— Па-першае, нічым добрым гэты так званы дыялог не скончыцца. Таму што ў прамым і ў пераносным сэнсе цяперашняя ўлада і Еўропа гавораць на розных мовах. Тое, што ўкладвае гэтая ўлада ў слова “дыялог”, і што яна абяцае з гледзішча дэмакратычных змен у Беларусі, зусім не адпавядае ні існуючай рэальнасці, ні еўрапейскаму разуменню дэмакратычных змен.

Гаворка пра спробу правесці ў абласным цэнтры мясцовы рэферэндум. Такое грамадскае імкненне — цалкам законнае і ў гэтым сэнсе дакладна агаворанае ў Канстытуцыі — было выклікана сакавіцкім рашэннем гарвыканкама аб зносе ў мікрараёне Саломенка міні-рынку, якому сёлета споўнілася б больш за 15 гадоў.

У апошні час Гомельскую абласную арганізацыю ГА “Беларускі саюз афіцэраў” скаланаюць нежартоўныя падзеі: чысткі, мардабой, суды, штрафы.

Апошнім часам пра былога галоўнага ўрача Рэспубліканскай бальніцы Кіравання справамі прэзідэнта і асабістага лекара А. Лукашэнкі хадзіла шмат самых розных чутак.

На мінулым тыдні ў Ізраільскім культурна-інфармацыйным цэнтры адбылося апошняе культурніцкае мерапрыемства з удзелам дзейнага амбасадара Дзяржавы Ізраіль у Рэспубліцы Беларусь Зеева Бен-Ар’е.

Фінансавы шторм пачынае накрываць “спакойную і стабільную” Беларусь. Пытанне ўжо толькі ў тым, колькіх балаў ён дасягне.

Адам Глобус, пісьменнік:
“ДЗІЎНА, КАЛІ НЕХТА СВАЕ КРОЎНЫЯ ТРЫМАЕ Ў БАНКАХ”
Гэта не такое адназначнае пытанне, як падаецца. Калі чалавек працуе тут легальна, у яго ёсць свая справа, ён так ці інакш працуе з банкам. Адпаведна яго грошы ў розных фінансавых установах ходзяць. А вось свае “непрацоўныя” грошы я не трымаю ў беларускіх банках. Таму, што сумленныя банкіры яшчэ даўно сказалі: лепш не трымайце ў нас. Хопіць таго, што я працую з імі. Хай бы “наверсе” хаця б нулі скасавалі, як мінімум. Каб рубель выглядаў рублём, а не тысячай. Калі на сённяшні дзень столькі нулёў, дзіўна, калі нехта свае кроўныя трымае ў банках.