Кліенты сэкс-працоўніц і іх адказнасьць

Кліенты сэкс-працоўніц і іх адказнасьць

Пакуль мы з цэнтрам KOPŽI разьбіраліся ў тым, хто атрымлівае прыбытак з-за таргоўлі людзьмі. Разьбіраліся ў тым, хто можа трапіць у палон да гандляроў. Нават з тым, што робяць заканадаўцы з таргоўляй людзьмі, і чаго яны не робяць. Але яшчэ адна катэгорыя грамадзян неяк заўсёды ўцякала ад нашай увагі. Імя гэтай катэгорыі – кліенты.

Каб стаць спажыўцоў жывога тавару, не абавязкова карыстацца паслугамі ярка намаляваных дзеўчын, што стаяць уздоўж шашы. Дастаткова проста заплюшчыць вочы на тое, што людзі, якія аказваюць нам тыя паслугі выглядаюць неяк не так, неяк падазрона сябе паводзяць, а можа і ўвогуле маюць сьляды гвалту на целе.

Не кажучы ўжо пра тых людзей (пераважна гэта мужчыны), якія спажываюць сэкс-паслугі. У нашай культуры быццам бы няма нічога такога ў тым, каб плаціць за сэкс. Асуджаецца менавіта сэкс-працоўніца. Тым часам кліент, як свабодны (ці нават не вельмі) мужчына з чыстым сумленьнем купляюць сэкс і не разумеюць, што ў гэтым такога. Сёньня паспрабуем разабрацца, што менавіта з гэтым не так?

Сэкс за грошы нельга лічыць добраахвотным

Нават калі мы ўявім, што ўмоўны кліент даволі сэксуальна прывабны для ўмоўнай сэкс-працоўніцы, наўрад ці яна атрымае ад гэтага кантакту нейкае задавальненьне. Яна не абірала гэтага чалавека – ён прыйшоў да яе, у той час, калі захацелася яму. Жаданьне жанчыны не ўлічваецца. Зразумела, калі чалавек плаціць грошы, то хоча атрымаць менавіта той сэрвіс, што будзе прыемны яму. Ці падабаюцца сэкс-працоўніцы тыя ці іншыя практыкі? Кліентаў, на жаль, гэта не хвалюе. А калі хвалюе – жанчына можа зрабіць выгляд, быццам бы ёй усё падабаецца. Увогуле яна можа зрабіць які заўгодна выгляд: усё, што хочаце за вашыя грошы.

Сэкс-працоўніца можа быць ахвярай таргоўлі людзьмі

Кліент ніколі дакладна не можа ведаць, ці працуе жанчына для сябе і па ўласнай ініцыятыве, ці выконвае загады «гаспадароў», якія трымаюць яе ў закладніках. Дасьледчыкі гэтай тэмы адзначаюць, што ахвяры таргоўлі людзьмі, прымушаныя гандляваць сабой, зьнешне не адрозьніваюцца ад тых, хто ідзе на гэта па ўласнай волі.

Такім чынам спажывец можа няўмысна спансіраваць злачынцаў.

Кліенты ствараюць попыт на жывы тавар

Менавіта праз тое, што ў грамадзтве існуе попыт на паслугі сэкс-працоўніц, гандляры людзьмі і вядуць свой брудны бізнэс. Акрамя таго, кліенты больш схільныя ўжываць гвалт адносна сэкс-працоўніц, бо разумеюць, што жанчына не паскардзіцца на іх у паліцыю.

Менавіта праз кліентаў становіцца магчымай таргоўля людзьмі і працоўная эксплуатацыя. Давайце ж будзем уважлівымі да тых, хто з намі працуе, і не будзем карыстацца аніякімі забароненымі відамі паслуг.

• імпрэзы