Анляйн-курс “Таварыства жывых паэтаў і паэтак”

Андрэй Хадановіч запрашае на новыя літаратурныя прыгоды!

Лекцыі і вандроўкі

Цэнтр беларускай супольнасьці і культуры ў Вільні запрашае Вас на онлайн-лекцыі па беларускай культуры, літаратуры, гісторыі, мастацтве, а таксама плануе распачынаць жывыя вандроўкі па Вільні і Віленчыне.

 Онлайн-лекцыі

чэрвень – жнівень 2023 г. Літаратурны онлайн-курс вядомага беларускага паэта, перакладчыка, літаратуразнаўцы Андрэя Хадановіча

“Таварыства жывых паэтаў і паэтак”: беларускія вершы ў кантэксьце сусьветнай культуры

Аўтарскі курс пра беларускую паэзію як арганічную частку лірыкі сусьветнай і сусьветную – як частку беларускай. Пра творчыя ўплывы адных геніяў на іншых, а таксама адкрыцьці, што робяцца “паралельна”. Пра пераемнасьць і разрывы ў нашым літаратурным працэсе. Пра мастацкі пераклад, што пранікае ў арыгінальную творчасьць аўтараў і аўтарак. Пра паэтычныя містыфікацыі, некаторым зь якіх паверылі – і вераць дагэтуль. Пра тое, як паэзія робіцца музыкай, а вершы – песьнямі. Пра паэзію пратэсту, супраціву і салідарнасьці.

  1. Як сплятаўся “Вянок”? Максім Багдановіч і папярэднікі: Шарль Бадлер, Поль Вэрлен ды іншыя.
  2. “Курганы шмат чаго нам гавораць”: ірландзкі набэліст Ўільям Батлер Ейтс і Янка Купала.
  3. Фантомныя болі двух Міцкевічаў: паэмы “Пан Тадэвуш” і “Новая зямля”.
  4. Расстраляныя паэты: беларускае і габрэйскае. Мойшэ Кульбак, Тодар Кляшторны, Юлі Таўбін.
  5. Не-прычасаныя і ня-бронзавыя: Станіслаў Ежы Лец і Максім Танк.
  6. Як “памаладзеў” Аркадзь Куляшоў: таемная гісторыя верша “Бывай” (і песьні “Алеся”).
  7. Наватар-містыфікатар: як Алесь Разанаў пісаў літоўскую класіку.
  8. Беларусь – нацыя паэтак? Жаночая лірыка ад Бандарынай да Бандурынай.
  9. Паэты і фронтмэны: беларускія вершы, музыка і сцэна.
  10. “На беразе Волі”: беларуская паэзія-2020 і ўкраінская паэзія-2022.

Лекцыі будуць праходзіць па серадах увечары на онлайн-платформе Zoom, але для курса будзе весьціся закрыты запіс. Будзе магчымасьць задаваць пытаньні і ўдзельнічаць у абмеркаваньнях.

Каб узяць удзел у курсе, трэба зарэгістравацца ў гугл-форме: тут будзе спасылка.

Курс платны. Кошт удзелу ў курсе – 44 еўра за ўвесь курс. Ваш удзел у курсе – гэта падтрымка аўтара курса і дзейнасьці нашага цэнтра ў Вільні.

Рэгістрацыя на курс і Аплата.

Увага! Аплачваючы лекцыі, вы аўтаматычна пагаджаецеся на дамову аферты

Усе дадатковыя пытанні праз тэлеграм @liusterkavilnia

 Вандроўкі па Вільні і Віленшчыне

Тут будуць зьмешчаныя анонсы вандровак па беларускіх мясьцінах Вільні і Віленшчыны. Па ўсіх пытаньнях адносна арганізацыі такіх вандровак для прыватных групаў можна зьвяртацца праз тэлеграм @larhien