Запрашаем на выставу “Прыгажосць традыцыі”!

October 24, 2023

Гэта выстава беларускіх строяў і прыкрасаў, прымеркаваная да Дзядоў.

Вы зможаце пабачыць:

традыцыйныя беларускія строі і сучаснае этнаадзенне
старадаўнія ручнікі і ручнікі сучасныя з вышыўкай
самыя розныя паясы, торбачкі, хусткі, прыкрасы і многае другое

У межах выставы вас чакае серыя лекцый і майстар-класаў. А закрыццё выставы адзначым разам – ушануем нашых продкаў на свяце Дзяды.

🗓️ Праграма выставы “Прыгажосць традыцыі”:

3.11, а 18:30. Адкрыццё выставы.

7.11, а 18:30. Лекцыя “Традыцыйны беларускі строй”.

8.11, а 18:30. Майстар-клас у Жаночым Клюбе “Ткацтва паясоў на бёрдзечку” (трэба мець пры сабе бёрда, але можна прыйсці і проста ў якасці слухача).

10.11, а 18:30. Лекцыя і майстар-клас “Лялька-матанка” (усе матэрыялы мы выдадзім на месцы).

11.11, з 15:00 да 17:00. Свята “Дзяды” (падрабязная праграма мерапрыемства будзе апублікаваная ў нашых сац.сетках пазней, асобна).

Сумесна з праектам “Слуцкі пояс для Вільні” мы падрыхтавалі яшчэ два адмысловыя майстар-класы, на якіх вы зможаце зрабіць сваімі рукамі рэч, натхнёную ўзорамі Слуцкіх паясоў:

29.10, а 17:00: у тэхніцы бісернага ткацтва (усе матэрыялы мы выдадзім на месцы).

5.11, а 17:00: у тэхніцы вышыўкі мастацкай гладдзю (для кожнага ўдзельніка будзе персанальна падрыхтаваны ўзор, таму патрабуецца папярэдняя рэгістрацыя).

Экспазіцыя працуе з 3 па 12 лістапада. Цэнтр беларускай культуры і супольнасці ў Вільні. Vilniaus, 20.

Шчыра запрашаем!❤️✨