Дзёньнік музэйнага валантэра

Вы маглі заўважыць, колькі шмат падзей адбыліся ў нашым музеі за апошні год. Гэта стала магчыма…Дзякуючы неверагоднай камандзе Валантэраў! Без іх падтрымкі, энтузіязму і цёплых сэрцаў мы не змаглі б рэалізаваць усе ідэі на такім высокім узроўні.

Так, напрыклад, 9-16 верасня адбыўся Тыдзень беларускай культуры - і нашыя валантэры:

  1. Дапамаглі арганізаваць і ўпрыгожыць прастору для кірмашу,
  2. Стварылі ўтульную і бяспечную дзіцячую пляцоўку,
  3. Правялі займальны квэст для маленькіх гасцей. Таксама нашыя Дызайнеры-валантэры падыходзяць да кожнай задачы з крэатывам і любоўю. Усе афішы нашых івэнтаў – гэта іх праца і мы ганарымся тым, што кожны дызайн адлюстроўвае дух ідэй, якія мы ўвасабляем разам. Мы жадаем, каб беларуская супольнасць у Вільні не толькі натхнялася нашымі ініцыятывамі, але і станавілася часткай іх рэалізацыі. Таму нашыя валантэры могуць выбіраць той напрамак, які ім найбольш блізкі: мантаж і дэмантаж выстаў, праца ў архіве музея, каталагізацыя і сканаванне кніг для бібліятэкі беларускай кнігі, праца з сацыяльнымі сеткамі прасторы, рэалізацыя ўласных ідэй і прапаноў.

Калі вы хочаце далучыцца да нашай дзейнасці, і дапамагаць нам рабіць гэты сусвет трошкі лепей- запаўняйце валантэрскую форму Кожны, хто далучыўся, унёс сваю частку ў агульную справу. Ваша адданасць і праца робяць нашу супольнасць мацнейшай!

Водгукі Валантэраў

  • Соня: Вельмі падабаецца, заўсёды зразумелыя і цікавыя справы, класнае стаўленне да валантэраў.

  • Ліза: Мне ўсё падабаецца, разумеем адзін аднаго з супрацоўнікамі, далі мне “час на асвоіцца”, увайсці так бы мовіць у густ.

  • Наста: Валантэрыла на кірмашы да тыдня беларускай культуры. Мне дужа спадабалася, і вельмі здзівілі беларускамоўныя дзеці. сапраўды вельмі цікава, я нават не чакала, што мне так зойдзе з дзецьмі займацца.

  • Уладзіслава: Выдатная магчымасць правесці час у коле землякоў, што праўда выпадае нячаста.

Нашая арганізацыя атрымоўвае падтрымку ініцыятывы Belarus Beehive і Еўразвязу, сярод якой ёсць і заробак каардынатара валантэраў - і гэта вельмі дапамагае нам рабіць працу валантэрскай каманды эфектыўнай, прадуктыўнай і прыемнай для ўсіх удзельнікаў.